點解係豉油樽？

之前都有朋友問過我一下，點解對豉油樽發生興趣？ 其實我之前都冇特別諗過。

如果真係要講，我做陶器，多數都係做用得嘅嘢，但當中都有分隨意的及準確度較高的兩種。豉油樽算是後者。

需要準確度較高嘅，就例如茶壺、咖啡濾杯；茶壺完全是門外漢，咖啡濾杯算係做得比較多，但比較滿意最多只有兩三個，齋講角度，是否與濾紙緊貼，已經花上很大功夫。

豉油樽的結構就比較簡單，只要做好出水口，其他部份都可以比較隨心，比較符合我的興趣。

極簡的物理結構，起初有點懷疑是否能達到其功能性，最起碼就係出水暢順、唔會流口水。